PEJA - ACADEMIC
TOPSPORTI / Arian Paçarizi
Peja njoftohet me humbje në BIBL
21 November, 2019 @20:58
Në duelin e të pamposhturve në Ligën Ballkanike në mes të Pejës dhe Academix Bultex, nga ky dueli fituese doli skuadra bullgare, duke e mposhtur Pejën me rezultat 87-98.
Skuadra bullgare në 3 çerekët e parë ishte në epërsi, derisa presingu i Pejës në çerekun e fundit nuk mjaftoi për ta mposhtur kundërshtarin.
Shakir Smith shkëlqeu në “Karagaç”, duke luajtur me triple-double prej 31 pikë, 11 kërcime e 10 asistime te Academic.
Te Peja u dalluan Henrik Sirko me 29 pikë e 14 kërcime, Drilon Hajrizi me 25 pikë e 10 kërcime dhe Beq Kovaqi me 15 pikë.
Academic aktualisht është skuadra e vetme pa humbje në Ligën Ballkanike, kurse Peja ka bilanc 2 fitore e 1 humbje deri më tani.
