Fantasy TopSporti
Të gjitha lajmet
Tabelat dhe Rezultatet

PEJA - SIGAL PRISHTINA

Peja pa problem edhe pa Dardanin, fitore të lehtë ndaj Prishtinës

Peja pa problem edhe pa Dardanin, fitore të lehtë ndaj Prishtinës


18 April, 2021 @18:26

Peja ka shënuar fitore të lehtë në ndeshjen e parë të çerekfinales së Play Off-it ndaj Sigal Prishtinës.

Verdhezinjtë në mungesë të liderit të tyre të lënduar, Dardan Berishës, arritën të triumfojnë në Karagaç me rezultat 106-77.

Peja kishte epërsi dyshifrore prej rreth 10 pikëve qysh në çerekun e parë, ndërsa që nga mesi i çerekut të tretë rezultati filloi të thellohej kur prishtinasit vendosën të luajnë në fushë vetëm me lojtarë vendorë duke i larguar amerikanët Johnson-Mack-LeDay.

Rolin e liderit te Peja e mori qendra amerikane, Brandon Walters, i cili ishte i pandalshëm nën kosh duke shënuar hiç më pak se 36 pikë e 16 kërcime.

Ai ishte i ndihmuar po ashtu edhe nga dy qendrat e tjerë, Laron Dendy që shënoi 23 pikë dhe Lis Shoshi që shtoi 18 pikë të tjera.

Ndërkaq te Prishtina koshashënuesi më i mirë ishte Fisnik Rugova me 16 pikë të shënuara.

SKEMA E PLAY OFF-IT

Peja tani avancon me rezultat 1-0 në serinë e ndeshjeve çerekfinale të Play Off-it.

Ndeshja e dytë e kësaj serie luhet në mesjavë Prishtinë, ndërsa në gjysmëfinale kualifikohet skuadra e cila arrin të shënojë e para dy fitore.


 
Të gjitha lajmet nga FBK Superliga