Peja rikthen shkëlqimin

Peja i është rikthyer fitoreve pas dy humbjeve të fundit ndaj RTV 21-shit dhe Sigal Prishtinës. Liderja e BKT Superligës e mposhti kampionin aktual, Trepçën, duke i dhënë kështu edhe një goditje mitrovicasve në rrugë drejt sigurimit të një vendi në playoff. Borozani.com

Loja filloi me serinë e shpejtë 9-2 të Pejës, por pas reagimit të trajnerit Pançe Milevski me një minutë pushim, çereku i parë i ndeshjes përfundoi me rezultat 16-17 për Trepçën. 

Në çerekun e dytë dhe të tretë loja individale të basketbollistëve xehetar nuk kishte sukses, ndërsa verdhezinjtë e shfrytëzuan këtë siç është më së mirë duke e ngritur epërsinë deri në 18 pikë, 59-41.

Dueli Berisha - Hajrizi!

Në periudhën e fundit të ndeshjes në skenë u paraqit dueli ndërmjet Dardan Berishës dhe Drilon Hajrizit. Që të basketbollistët në 10 minutëshin e fundit shënuan nga 15 pikë secili duke u bërë kështu koshashënuesit më të mirë të skuadrave të tyre.

Në fund të ndeshjes Dardani e përmbylli takimin me 28 pikë të shënuara, derisa Driloni ishte një kërcim larg shifrave double-double, duke realizuar 23 pikë dhe 9 kërcime.

Javën e ardhshme Peja do ta luajë derbin e katërt rresht, ku do të takohet me Sigkos Bashkimin në Prizren, derisa Trepça synon fitoren ndaj Sigal Prishtinës për të qenë sa më afër playoffit.

Tabela aktuale.

PEJA (Statistikat individuale)

TREPÇA (Statistikat individuale)