8 & 24
Pensionohen fanellat e Kobe Bryantit
13 September, 2017 @9:49
Kryesia e Los Angeles Lakersit, vendosi që ta nderojë basketbollistin legjendar të tyre Kobe Bryant, duke ia pensionuar numrat 8 dhe 24 të tij në “Staples Center”.
Fanellat do të pensionohen me datën 18 dhjetor në ndeshjen kundër Golden State Warriors.
Në lidhje me pensionimin e fanelave Bryant tha:”Si fëmijë unë gjithmonë kam ëndërruar që fanella ime të pensionohet në raftet e Lakersit, por asnjëherë nuk kam imagjinuar për dy të tilla”.
Bryant u pensionua nga basketbolli me datën 13 prill 2016, ndërsa karriera e tij është e mbushur me plotë suksese. Ai gjindet në listën e koshashënuesve më të mirë në histori të NBA-së në pozitën e tretë.
