KUPA E LIGËS SË PARË
Penza më afër finales pas pjesës së parë
1 March, 2019 @14:50
Skuadra e Penzës ka mbyllur pjesën e parë me 16 pikë epërsi ndaj Feronikelit, 43-27.
Skuadra pejane ka bërë dallim të madh në çerekun e dytë të ndeshjes 24-10, pasi që pjesa e parë kaloi 19-17, për të marrë avantazh të konsiderueshëm para pjesës së dytë.
Nëse Feronikeli nuk arrin të rikthehet në pjesë të dytë të ndeshjes, Penza do të sigurojë finalen e Kupës së Ligës së Parë të Kosovës, që po organizohet për herë të parë në histori të FBK-së.
Makuei Poundak është lojtari më efikas aktualisht te Penza me 12 pikë, i përcjellur nga Rron Ukaj me 11. Te Feronikeli më efikasi është Mustafë Merovci me 8 pikë të shënuara.
