Fantasy TopSporti
Të gjitha lajmet
Tabelat dhe Rezultatet

PLAYOFF FINALS | GAME 1

Penza merr avantazhin në finalen e PlayOffit

Amerikanja Hilaire Kaela, më meritorja për fitoren e KBF Penzës sonte në Prishtinë/ Foto: KBPrishtina/fb

Penza merr avantazhin në finalen e PlayOffit


11 April, 2022 @23:58

Basketbollistet e Penzës, kanë arritur që t’ia japin humbjen e parë atyre të Prishtinës këtë stinor në Superligë, duke i mposhtur në ndeshjen e parë të finales së PlayOffit.

Prishtina, që kishte kryer stinorin e rregullt me të gjitha fitore dhe kaloi pa telashe gjysmëfinalen e PlayOffit ndaj Trepçës, sonte u mposht nga Penza Pallatin e Rinisë dhe të Sporteve, 58-76 [14-8, 14-25, 11-22, 19-21] për të marrë avantazhin në seri 0-1.

Dueli i radhës i finales luhet në Karagaç të Pejës, ndërsa kampione e Kosovës bëhet skuadra që arrin tre fitore së pari.

Hilarie Kaela (në foto) është treguar vendimtare në përballjen e sontme, derisa ka shënuar 32 pikë për ekipin e drejtuar nga Milan Rondovic, bashkë me 5 asistime e 6 kërcime në proces.

Pos saj, lojë të mirë kanë treguar edhe Rael Whitsitt (double-double, 14 pikë, 17 kërcime), Diedona Halitaj me 10 pikë dhe Jeta Zeka, gjithashtu me 10 pikë.

SKEMA E PLAYOFFIT

Te Prishtina, që përjetoi humbjen e parë të sezonit, më efikasja ka qenë Stasha Carey me 15 pikë të shënuara, ndërsa me 11 kontribuoi Sarah Mgbeike e 10 të tjera Agnesa Rrahmani.


 
Të gjitha lajmet nga FBK Liga e Femrave