KBF KASTRIOTI - KBF PENZA
Penza në super formë, kalon edhe Kastriotin
12 March, 2021 @22:40
Forma e mirë e skuadrës së Penzës, ka vazhduar edhe kundër KBF Kastriotit.
Penza e mposhti kundërshtaren me rezultat 71-94 dhe e regjistroi fitoren e gjashtë rresht në Ligën e Femrave.
Ashile Howwe ishte koshashënuesja më e mirë me 22 pikë, derisa u dalluan edhe Gabrielle Cooper me 19 pikë, 9 topa të rrëmbyer, 8 asistime e 6 kërcime dhe Valbona Bytyqi me 18 pikë, 8 kërcime, 6 asistime e 5 topa të rrëmbyer.
Te Kastrioti Andrea Iavrone luajti me 24 pikë e 15 kërcime, dhe Agnesa Rrahmani me 19 pikë e 8 asistime.
Penza tani ka bilanc prej 11 fitoreve e 6 humbjeve, sikurse Prishtina e Vëllaznimi në pozitën dy dhe tre, kurse Kastrioti me 2 fitore e 15 humbje gjendet në pozitën e parafundit në Ligën e Femrave.
Në xhiron tjetër Penza luan derbin kundër Prishtinës, derisa Kastrioti e pret Bashkimin.