Përcaktohen më të mirët e Euroleague

Ekuivalenti i Ligës së Kampionëve në futboll, Euroleague, ka nxjerrë mbrëmë TOP 16 skuadrat më të mira të saja pas dhjetë xhirove me ndeshje ndër më interesantet. 

Kampioni aktual dhe nënkampioni i Europës, Olympiacos e Real Madrid, kanë qenë perfekt deri më tani duke regjistruar fitore në të gjitha ndeshjet dhe kanë përfunduar fazën e parë grupore me bilanc 10 fitore e asnjë humbje! 

Unicaja Malaga, Zalgiris Kaunas dhe Anadolu Efes, bashkë me debutantin Bayern Munchen dhe Partizanin e Beogradit, kanë qenë ekipet e fundit që kanë siguruar plasmanin mbrëmë, përkundër se sonte luhen edhe disa ndeshje, por që nuk do të ndërrojnë asgjë sa i përket të kualifikuarve. 

Bayern, që ka qenë njëra ndër befasitë e Euroleague, është kualifikuar vetëm pasi që Montepaschi Siena u mposht nga Unicaja Malaga 64-62. Kështu, Bayern sonte luan ndaj Galatasaray Liv Hospitalit vetëm sa për të përmbushur numrin e ndeshjeve, pasi që u kualifikua më parë. 

Edhe Efesi siguroi kualifikimin përkundër se u mposht nga Real Madridi. Raundi tjetër, ai i 16 ekipeve më të mira të Europës në basketboll për këtë stinor 2013/14 fillon më 2 janar të vitit të ardhshëm. 

Skuadrat, të 16 të kualifikuarat nga Grupi A deri në Grupin D, do të formojnë tani dy grupe me nga tetë ekipe dhe do t’ia nisin luftës për të nxjerrë TOP 4 më të mira nga çdo grup. 

E tetë më të mirët europian ndeshen në çerekfinale për të përcaktuar pjesëmarrësit e Final Fourit 2013/14 që do të mbahet në Milano të Italisë në datat prej 16 deri më 18 maj 2014. 

Stinorin e kaluar në Final Fourin e Londrës kanë qenë Real Madrid, Barcelona, CSKA Moska dhe Olympiacosi, ku këta të fundit duke e mposhtur Real Madridin në finale mbrojtën titullin e kampionit europian. 

EUROLEAGUE, Grupi A dhe B:

EUROLEAGUE, Grupi C dhe D: