Përfaqësusja e basketbollit, 5 të ftuarit e parë

Në prag të ndeshjeve të muajit nëntor, përfaqësuesja e Kosovës te meshkujt në basketboll grumbullimin do ta fillojë nga dita e nesërme.

Lista e basketbollistëve të ftuar për fazën përgatitore ende nuk është publikuar plotësisht, mirëpo përmes një postimi në Facebook, klubi basketbollistik Prishtina ka bërë të ditur 5 lojtarët e kësaj skuadre që janë ftuar në grumbullim.

Edmond Azemi, Fisnik Rugova, Altin Morina, Arian Qallaku dhe Meriton Ismaili janë 5 lojtarët e ftuar nga klubi i Prishtinës, ndërsa lista e plotë e të ftuarve pritet të publikohet shumë shpejt.

Këtë muaj, Kosova të dyja ndeshjet i luan në Bratisllavë të Sllovakisë; më 26 nëntor takohet me Sllovakinë, e më pas më 29 nëntor me Islandën.

TABELA AKTUALE E GRUPIT:

1. Kosova 2-0
2. Islanda 1-1
3. Sllovakia 1-1
4. Luksemburgu 0-2.