Të gjitha lajmet

CLUJ - RAHOVECI

Përfundon aventura historike për Rahovecin

FOTO / fiba.com

Përfundon aventura historike për Rahovecin

9 October, 2019 @19:47

Nënkampioni i Superligës së Kosovës, Rahoveci, duke u mposhtur edhe në ndeshjen e dytë kualifikuese për FIBA Europe Cup kundër Clujit, është eliminuar nga kjo garë.

Skuadra rumune e mposhti bindshëm Rahovecin me rezultat 91-47.

Rol të rëndësishëm në humbjen e vreshtarëve luajti performanca e tyre në çerekun e dytë dhe të tretë. Ata në 10 minutëshin e dytë shënuan vetëm tetë pikë, ndërsa në të tretin vetëm pesë.

Këtë e shfrytëzoi mirë skuadra rumune dhe kështu e eliminoi Rahovecin nga FIBA Europe Cup.

Andrii Kalnichenko ishte më i miri te Cluji me 17 pikë, 4 kërcime e 4 asistime.

Te Rahoveci vetëm dy lojtarë luajtën me pikë dyshifrore. Jure Gunjinja me 14 pikë dhe Javis Howard me 10 pikë të tjera, që nuk mjaftuan për fitore.

Rahoveci edhe në ndeshjen e parë kishte pësuar me rezultat të thellë 73-98.

Gjithsesi, Rahoveci perseri do te jete pjese e garave nderkombetare sivjet, pasi qe ‘vreshtaret’ do te luajne edhe ne Ligen Ballkanike, garë e cila fillon më 22 tetor.

TRANSMETIM

Livestream: Cluj - Rahoveci

9 October, 2019 @18:27

Ndeshjen Cluj - Rahoveci, mund ta ndiqni drejtpërdrejtë nga linku i mëposhtëm.