Përsëri Prishtina, Berisha 55 pikë për 4 ditë ndaj Pejës

Sigal Prishtina ia shkaktoi humbjen e dytë brenda katër ditëve kampionit aktual të Kosovës, Pejës. Ekipi i Marin Dokuzovskit pas fitores në kuadër të Ballkan Ligës në Karagaç, kësaj radhe e mposhti ekipin pejan në Pallatin e Rinisë dhe atë me rezultat të thellë 79-61.

Dardan Berisha i cili ishte më i merituari që Peja u bë kampion vitin e kaluar, vetëm brenda katër ditëve i shënoi plot 55 pikë kundër ish ekipit të tij.

Sigal Prishtina gjatë gjithë ndeshjes ishte dominues në lojë dhe fitorja e saj nuk u dyshua në asnjë moment.

Kryeqytetasit që nga fillimi i ndeshjes kur kaluan në epërsi me pikët e para të Dardan Berishës, nuk i lejuan pejanët në asnjë çast që ta përmbysin epërsinë.

Çereku i parë përfundoi me rezultat 26-11, ndërsa në çerekun e dytë epërsia arriti deri në 25 pikë (53-28). Gjatë kësaj periudhe Dardan Berisha u dallua më së shumti duke shënuar 19 pikë.

Epërsia më e lartë në ndeshje u arrit gjatë çerekut të tretë me pikët e Aurimas Kiezas për rezultatin 59-30, kur ishin luajtur vetëm 2 minuta e gjysmë të kësaj periudhe.

Deri në fund të ndeshjes e gjitha që arritën të bëjnë pejanët ishte që ta ngushtojnë epërsinë, mirëpo jo edhe t’i shmangen humbjes. Në fund, Sigal Prishtina - Peja 79-61.

Koshashënuesi më i mirë i ndeshjes ishte Dardan Berisha me 24 pikë, derisa te Peja më i miri ishte Gerti Shima me 20 sosh.

Me këtë fitore Sigal Prishtina tani ka një fitore më shumë se Peja në radhitjen tabelare dhe me 33 pikë vazhdon ta mbaj kreun.

​Rezultatet dhe tabela aktuale.

Statistikat ekipore

	SIGAL PRISHTINA	PEJA
Çereku i parë	26	11
Çereku i dytë	27	19
Çereku i tretë	15	13
Çereku i katërt	11	18
Kërcime në mbrojtje	28	23
Kërcime në sulm	11	13
Gjithsej kërcime	39	36
Asistime	22	11
Bllokada	5	4
Topa të vjedhur	10	7
Topa të humbur	14	18
Tentime për tre pikë	9/21	3/16
Tentime nga loja	27/66	21/60
Tentime nga gjuajtjet e lira	16/23	16/33

Statistikat individuale te Sigal Prishtina

1	Dardan Berisha	24 pikë	5 asistime	4 kërcime
2	Blerim Mazreku	14 pikë	8 kërcime	1 asistim
3	Tay Waller	11 pikë	2 kërcime	1 asistim
4	K'Zell Wesson	6 pikë	9 kërcime	1 asistim
5	Alban Veseli	6 pikë	6 kërcime	3 bllokada
6	Aurimas Kieza	6 pikë	4 kërcime	1 asistim
7	Muhamed Hasani	6 pikë	1 asistim
8	Kendrick Jones	5 pikë	9 asistime	5 kërcime
9	Edmond Azemi	4 pikë	3 asistime	1 kërcim

Statistikat individuale te Peja

1	Gerti Shima	20 pikë	5 kërcime	2 asistime
2	Fred House	10 pikë	2 kërcime	2 bllokada
3	George Odufuwa	8 pikë	5 kërcime	2 bllokada
4	Rron Grapci	8 pikë	5 kërcime
5	Samir Shaptahovic	7 pikë	3 kërcime
6	Teo Simovic	3 pikë	4 kërcime	2 asistime
7	Mario Edwards	2 pikë	6 kërcime	5 asistime
8	Vigan Radoni	1 pikë	4 kërcime	2 asistime
9	Drilon Hajrizi	1 pikë	2 kërcime
10	Ersid Ljuca	1 pikë