Pingpongu zgjedh më të mirët e vitit 2019!

Federata e Pingpongut e Kosovës vazhdon traditën e shpalljës së pingpongistëve më të mirë të vitit 2019, si dhe do të ndan mirënjohje për kontribute të ndryshme në sportin e pingpongut!

Ceremonia “Laureatët 2019” do të mbahet të shtunën me 15 shkurt, nga ora 18:00, në hotelin Venus, në Prishtinë. Kjo është hera e 17-të që federata ndanë mirënjohje për lojtarët e pingpongut, që nga pranimi i FPPK-së në federatën ndërkombëtare.

Pjesë e ceremonisë do të jetë edhe zv. presidentja e Federatës Botërore, znj. Petra Sorling e cila po e viziton Kosovën për herë të parë, me rastin e Turneut për Ditën e Pavarësisë. Poashtu nënkryetari i Unionit Europian të Pingpongut z. Ivo Goran Munivrana do të jetë pjesë e ceremonisë.

Komisioni ka bërë përzgjedhjen e sportisteve dhe sportistëve më të dalluar të vitit 2019, si për moshat madhore, ashtu edhe për gjeneratat e reja qe janë shpresa e pingpongut, përveç lojtarëve më të mirë, ka bërë përzgjedhjen edhe për punëtorin e vitit, referin vendor dhe ndërkombëtar të vitit, trajnerin e vitit etj.

Po ashtu do të ndahen edhe disa mirënjohje të veçanta të cilat do të shpalosen të shtunën gjatë ceremonisë.