Pjesa e dytë e Superligës, nis në Gjakovë

Federata e Basketbollit të Kosovës (FBK) sot ka bërë të ditur se të premtën (nesër, 15 janar) nis pjesa e dytë e kampionatit elit të Kosovës në basketboll. 

Vëllaznimi do të pret Pejën në palestrën “Shani Nushi” në ndeshjen e parë të stinorit pranveror të Superligës me fillim në ora 18, ndërsa ndeshja tjetër së cilës i është caktuar termini mund të konsiderohet derbi i xhiros, ndërmjet Yllit dhe Bashkimit. 

Ylli e Bashkimi takohen të dielën në “13 qershori” të Suharekës, derisa të dy skuadrat në ndërkohë janë përforcuar me nga një amerikan në skuadër. 

TABELA AKTUALE E SUPERLIGËS

Përballja tjetër, që duhet të luhet në këtë xhiro ndërmjet Trepçës dhe Kerasan Prishtinës, por termini i saj si dhe palestra ku do të zhvillohet ndeshja nuk është konfirmuar ende. 

Kampionia aktuale e Superligës, Sigal Prishtina pushon në këtë xhiro.