Play-Offi fillon mbarë për Pejën

Skuadra e Pejës ka shënuar fitore të lehtë ndaj Trepçës në ndeshjen e parë gjysmëfinale të Play-Offit.

Verdhezinjtë, të cilët kishin arritur të fitojnë në pesë ndeshjet e mëparshme të kampionatit të sivjetëm ndaj Trepçës, edhe kësaj radhe u ndanë kokëlartë nga palestra.

Mungesa e rivalitetit u vërejt qysh në çerekun e parë, gjatë së cilit u shënuan vetëm pesë pikë nga ana e minatorëve, derisa pejanët u kundërpërgjigjën me 22 sosh, duke krijuar epërsi prej 17 pikëve.

Epërsia dyshifrore u ruajt gjatë gjithë kohës nga vendasit, e cila gradualisht u thellua edhe më shumë, për të përfunduar ndeshja me rezultat 88-50.

Skema e Play-Offit

Pesë basketbollistë të Pejës e përmbyllën ndeshjen me pikë dyshifrore, ndërsa më i dalluari ishte amerikani Ronald Davis që shënoi 22 pikë, prej tyre 6 treshe, si shtoi edhe 7 kërcime.

Kurse te Trepça, Korab Prekazi dhe Valdrin Haxhiu ishin ata të cilët u munduan të bëjnë diç më shumë përballë Pejës, mirëpo as kjo nuk ishte e mjaftueshme për t’iu shmangur humbjes së thellë.

Rezultati i serisë gjysmëfinale tani është 1-0 në të mirë të Pejës, ndërsa ndeshja e dytë dhe e tretë e serisë do të luhet në palestrën Minatori në Mitrovicë.

Finaliste e Play-Offit do të bëhet ajo skuadër e cila arrin e para tre fitore.

Statistikat ekipore

PEJA

TREPÇA