Playoff-i në TV për Trepçën!

Trepça përfundimisht i ka humbur gjasat për një vend në playoff-in e sivjetëm. Kampioni aktual u mposht sonte në Prizren nga skuadra e Sigkos Bashkimit me rezultat 87-76.

Bashkimi e filloi ndeshjen me përqindje të lartë të saktësisë. Prizrenasit shënuan 30 pikë në çerekun e parë, falë lojës së mirë të treshes së huaj, Johnson - Dawson - Rokas, derisa mitrovicasit u ndalën në 19 sosh.

Ekipi i Muharem Vugdalicit edhe në çerekun e dytë vazhdoi me lojë të mirë, duke krijuar epërsi prej 15 pikësh në fund të pjesës së parë 54-39.

Në periudhën e tretë të takimit, mysafirët u treguan më të mirë në krye me Drilon Hajrizin, i cili shënoi shtatë pikë në një kohë shumë të shkurtër.

Pranë rezultatit 64-57, një vendim i diskutueshëm i gjyqtarit Alban Vula, bëri që të tensionohet e gjithë palestra në Prizren, me ç‘rast vendasit u ndëshkuan me gabim teknik, ndërsa më pas epërsia e Bashkimit u ngushtua në vetëm një pikë 64-63, para se të shënojë Kejuan Johnson për tre pikë në fund të çerekut të tretë.

Trepça vazhdoi me lojë të mirë edhe në fillim të periudhës së katërt, kur edhe doli në epërsi pranë rezultatit 69-70. Por më pas mitrovicasit mbetën të shtangur te ky rezultat.

Basketbollistët e Sigkos Bashkimit në përkrahje të tifozëve të zhurmshëm krijuan seri prej 15-0, derisa u veçua Qëndrim Biraj me dy tre pikësha në çastet vendimtare, dhe në fund prizrenasit shënuan fitore me rezultat 87-76.

Koshashënuesi më i mirë i ndeshjes ishte Kejuan Johnson me 27 pikë, kurse te Trepça Drilon Hajrizi me 23 pikë ishte i pamjaftueshëm për t’i shmangur humbjes së skuadrës së tij.

Tabela aktuale në BKT Superligë.

REZULTATI

Sigkos Bashkimi - Trepça

87-76

SIGKOS BASHKIMI (Statistikat individuale)

1	Kejuan Johnson	27 pikë	8 kërcime	7 asistime
2	Mark Dawson	19 pikë	13 kërcime	2 asistime/ 1 bllokadë
3	Rokas Uzas	14 pikë	8 kërcime	2 asistime/ 1 bllokadë
4	Qëndrim Biraj	12 pikë	2 asistime
5	Mustafë Merovci	8 pikë	5 kërcim	1 asistim
6	Muhamed Hasani	5 pikë	1 kërcim
7	Valentin Spaqi	2 pikë	1 kërcim	1 asistim

TREPÇA (Statistikat individuale)

1	Drilon Hajrizi	23 pikë	6 kërcime	1 asistim
2	Valdrin Haxhiu	17 pikë	2 asistime	1 kërcim
3	Ryan White	14 pikë	7 asistime	6 kërcime
4	Dennis Mims	8 pikë	6 kërcime	3 asistime
5	Korab Prekazi	4 pikë	1 asistim
6	Besnik Azemi	4 pikë
7	Daniel Milanovski	2 pikë	3 kërcime
8	Fikret Handzic	2 pikë	1 kërcim
9	Samir Zekiqi	2 pikë	1 kërcim
10	Gazmend Asllani		2 kërcime