Në mëshirën e Bashkimit

Po i afrohet fundi i stinorit të rregullt të BKT Superligës në basketboll. Xhiroja e parafundit e pjesës së rregullt të kampionatit sjell një derbi. 

Derbi i kësaj xhiroje luhet në Prizren ku takohen Sigkos Bashkimi dhe kampionja aktuale, Trepça. Sigkos Bashkimi ka siguruar Play-Offin dhe vendin e tretë në te, derisa kampionja është para dështimit më të madh në historinë e re të basketbollit kosovar - moskualifikimit në Play-Off. 

E vetmja mundësi teorike për Trepçën që të kualifikohet në Play-Off është që të shënojë fitore sonte ndaj Sigkos Bashkimit në Prizren, ndërsa në ndeshjen e xhiros së fundit, Sigkos Bashkimi të mposht rivalin kryesor të Trepçës, RTV 21-shin.

Nëse Trepça nuk do të arrijë që të futet në Play-Off do të jetë dështimi më i madh në historinë e re të basketbollit kosovar, kur kampioni të mos arrijë të hyjë në Play-Off. 

Në ndeshjet tjera të xhiros, liderja, Peja udhëton për herë të fundit këtë stinor në Gjilan për t’u ndeshur me Dritën, ndërsa nënkampionja Sigal Prishtina, ndeshet me Vëllaznimin - që do të duhet të luaj sipas të gjitha gjasave ndeshjen e Play-Outit me Kastriotin e Ferizajit për të mbetur në elitën e basketbollit kosovar. 

Këtyre llogarive të Dritës, Vëllaznimi do të mund t’u prishte hesapin vetëm ndonjë fitore madhore, nëse e mposht Sigal Prishtinën ose Trepçën në xhiron e fundit. 

Tabela aktuale e BKT Superligës.

BKT SUPERLIGA, XHIROJA XXVII