Prishtina barazon serinë finale

Dardan Berisha ka qenë instrumenti kryesor i orkestrës së Prishtinës sonte. Basketbollisti në fjalë shënoi 22 pikë duke mos pushuar për asnjë moment në ndeshje për t’ia sjellë fitoren bardhekaltërve dhe për të barazuar serinë finale të Play-Offit 1-1.

Çereku i parë bëri dallimin

Çereku i parë i takoi Prishtinës, që morri epërsinë 16-10 pas dhjetëminutëshit të parë të ndeshjes. Më pas, Peja luftoi mjaft për të ngushtuar epërsinë në çerekun e dytë, për të përfunduar pjesa e parë 32-28.

Në çerekun e tretë përkundër një epërsie të lehtë të Pejës, Prishtina ktheu lojën në të mirë të saj për të marrë epërsinë 54-48. Çereku i fundit shkoi barabartë në rezultat të dhjetëminutëshit, por Prishtina diti të ruaj epërsinë deri në fund.

Dardani 22, Washburn double-double

Përveç Dardanit, te Prishtina është dalluar edhe Jason Washburn, që përfundoi takimin me double-double prej 18 pikëve dhe 10 kërcimeve, ndërsa ekipit i ndihmoi mjaft edhe Andrew Warren me 15 pikë të shënuara.

Davis e Burwell nuk mjaftuan

Te Peja më të dalluarit kanë qenë Roland Davis dhe Kevin Burwell me nga 16 pikë të shënuëara, kurse Drilon Hajrizi e Nenad Delic kontribuuan me nga 12 pikë në ndeshje.

Seria vazhdon në Pejë

Përballja e radhës zhvillohet në Pejë. Kampion shpallet ekipi që shënon tre fitore së pari. Peja ka epërsinë e terrenit vendas në serinë finale, pasi që ka qenë lider i stinorit të rregullt. Ndërsa seria finale luhet në sistemin 1-1-1-1-1, pra vajtje-ardhje, derisa një ekip të arrijë tre fitore.

STATISTIKAT EKIPORE

	KB SIGAL PRISHTINA	KB PEJA
Çereku i parë	16	10
Çereku i dytë	16	18
Çereku i tretë	24	20
Çereku i katërt	15	16
Kërcime	22	32
Asistime	16	18
Bllokada	3	0
Topa të vjedhur	3	7
Topa të humbur	12	15
Tentime për 3 pikë	7/20 (35%)	5/28 (18%)
Tentime nga loja	24/51 (47%)	28/64 (44%)
Tentime nga gjuajtjet e lira	16/20 (80%)	3/8 (38%)

Statistikat individuale te KB SIGAL PRISHTINA

1	Dardan Berisha	22 pikë	3 kërcime	5 asistime
2	Jason Washburn	18 pikë	10 kërcime	2 asistime
3	Andrew Warren	15 pikë	5 kërcime	-
4	Gazmend Sinani	4 pikë	3 kërcime	1 asistim
5	Edmond Azemi	4 pikë	-	-
6	Gerti Shima	3 pikë	-	2 asistime
7	Thomas Massamba	3 pikë	-	1 asistim
8	Willie Kemp	2 pikë	1 kërcim	5 asistime

Statistikat individuale te KB PEJA

1	Roland Davis	16 pikë	5 kërcime	2 asistime
2	Kevin Burwell	16 pikë	3 kërcime	2 asistime
3	Drilon Hajrizi	12 pikë	6 kërcime	5 asistime
4	Nenad Delic	12 pikë	5 kërcime	1 asistim
5	Fisnik Rugova	5 pikë	8 kërcime	3 asistime
6	Alban Veseli	3 pikë	4 kërcime	4 asistime
7	Leonard Mekaj	-	1 kërcim	-
8	Rron Grapci	-	-	1 asistim