SIGAL PRISHTINA - TREPÇA
Prishtina fiton derbin me Trepçën
23 December, 2016 @20:57
Derbi i javës në Superligë ndërmjet Sigal Prishtinës dhe Trepçës përfundoi me fitoren e bardhekaltërve, të cilët triumfuan me rezultat të thellë, 80-62.
Ndeshja u zhvillua në palestrën e Ferizajit pa praninë e shikuesve me kërkesë të Sigal Prishtinës në FBK, si skuadër nikoqire, ndërsa ajo u vonua për disa minuta për shkak të probleme teknike me mbajtjen e statistikave dhe më pas u zhvillua ndeshja pa statistikat online.
Dy skuadrat ishin kryesisht rivalë të barabartë në pjesën e parë të ndeshjes, e cila përfundoi me rezultat 39-37 për Prishtinën, me pikët e Drilon Hajrizit në sekondën e fundit.
E si duket pikët e Hajrizit i dhanë motiv Prishtinës, e cila në çerekun e tretë krijoi epërsi dyshifrore dhe të paaritshme që të përmbyset nga Trepça.
Me këtë fitore Prishtina është shkëputur në krye të radhitjes tabelare me 24 pikë, një më shumë se Trepça, e cila me këtë ndeshje e përmbylli pjesën vjeshtore të këtij kampionati.
Sigal Prishtina
| 1 | Edmond Azemi (34:25) | 26 pikë | 3 kërcime | - |
| 2 | Drilon Hajrizi (40:00) | 20 pikë | 6 kërcime | - |
| 3 | Malcolm Rhett (39:08) | 13 pikë | 9 kërcime | 1 asistim |
| 4 | Jabarie Hinds (36:34) | 13 pikë | 2 kërcime | 1 asistim |
| 5 | Granit Rugova (38:53) | 6 pikë | 1 kërcim | - |
| 6 | Fisnik Rugova (4:33) | 2 pikë | - | - |
| 7 | Rinor Peci (5:14) | 0 pikë | 2 kërcime | - |
| 8 | Liron Hyseni (0:52) | 0 pikë | - | - |
| 9 | Qlirim Rama (0:21) | 0 pikë | - | - |
| 10 | Dion Krasniqi | - | - | - |
Trepça
| 1 | Nikola Ljujic (21:40) | 14 pikë | 1 kërcim | 1 asistim |
| 2 | Jeremy Wise (37:46) | 12 pikë | 1 kërcim | - |
| 3 | Samir Zekiqi (22:07) | 10 pikë | 3 asistime | 3 kërcime |
| 4 | Burim Zekiqi (16:18) | 8 pikë | 1 kërcim | 1 asistim |
| 5 | Valdrin Haxhiu (29:47) | 8 pikë | 1 kërcim | - |
| 6 | Frederic Stutz (18:22) | 6 pikë | - | - |
| 7 | Montrael Scott (30:58) | 2 pikë | 4 kërcime | - |
| 8 | Laron Griffin (7:44) | 2 pikë | 2 kërcime | - |
| 9 | Arian Tahiri (2:07) | 0 pikë | - | - |
| 10 | Besnik Azemi (7:01) | 0 pikë | - | - |
| 11 | Agon Selmani (6:09) | 0 pikë | - | - |
| 12 | Albelard Rashiti | - | - | - |
