SHKON EDHE QENDRA E DYTË
Gjorgji Cekovski në mbrojtje, në përballjen e Sigal Prishtinës ndaj Bashkimit këtë stinor/ BOROZANI/ D.S.
Prishtina largon Çekovskin
14 November, 2015 @16:02
Qendra 203 centimetra e gjatë maqedonase e Sigal Prishtinës, Gjorgji Cekovski, nuk do të luaj më për bardhekaltërit.
Kampioni i Kosovës dhe i BIBL ka larguar qendrën në fjalë për shkak se nuk është përshtat mirë në ekip, ka bërë të ditur sot Koha Ditore duke u bazuar në burimet e saja brenda ekipit.
Në ndeshjet për sa luajti për bardhekaltërit, Cekovski 33 vjeç, ka pasur mesatare prej 8.3 pikëve për ndeshje, 5.3 kërcimeve dhe 2 asistimeve.
Ky është largimi i dytë nga Sigal Prishtina këtë stinor dhe atë në pozitën e njejtë, pas Bamba Fallit, që kishte probleme me dokumentacion për udhëtimet e shumta që i ka ekipi bardhekaltër këtë stinor.
Sigal Prishtina këtë stinor përveç kampionatit vendor garon edhe në BIBL dhe Europe Cup.
