SIGAL PRISHTINA - BEROE
Prishtina mposhtet pas vazhdimeve nga Beroe
10 January, 2017 @20:47
Ndeshja dramatike e cila u zhvillua në Pallatin e Rinisë dhe të Sporteve në Prishtinë ndërmjet Sigal Prishtinës dhe Beroes, i takoi skuadrës mysafire nga Bullgaria, e cila arriti të fitojë me rezultat 86-94.
Në fakt, Prishtina ishte shumë pranë fitores pasi e kishte mundësinë të shënojë në sulmin e fundit të kohës së rregullt kur rezultati ishte 81-81, por organizimi jo i mirë në sulm, bëri që loja të shkojë në vazhdime, ku më pas bullgarët treguan lojë më të mirë dhe shënuan fitoren e tyre të pestë.
Në humbje gjithsesi pati ndikim edhe largimi i Drilon Hajrizit për shkak të pesë gabimeve personale, kur kishte mbetur edhe një minutë e gjysëm deri në përfundim të pjesës së rregullt.
Pikërisht Hajrizi ishte bartësi i lojës te Prishtina, duke luajtur me 26 pikë e 7 kërcime, ndërsa gjithashtu u dallua edhe Jabarie Hinds që shënoi 24 pikë dhe pati 5 asistime e 3 kërcime.
Në anën tjetër, për Beroen nga 19 pikë shënuan Tihomir Zhelev dhe organizatori amerikan, Brandis Ross.
Për Prishtinën në këtë ndeshje debutuan përforcimet e reja Nenad Delic, Grant Johnson dhe Urim Zenelaj, ndërsa në mungesë të kryetrajnerit, skuadrën e udhëhoqi ndihmëstrajneri, Andin Rashica.
Me këtë humbje Prishtina i ka vështirësuar gjasat për t’u kualifikuar në fazën e dytë, pasi që mbetet në pozitën e fundit në grup me vetëm 2 fitore dhe 5 humbje.
Ndeshjen e radhës Prishtina e luan më 12 janar ndaj Kozuvit.
Sigal Prishtina
| 1 | Drilon Hajrizi (35:18) | 26 pikë | 7 kërcime | 1 asistim |
| 2 | Jabarie Hinds (43:42) | 24 pikë | 6 topa të vjedhur | 5 asistime |
| 3 | Grant Johnson (36:33) | 13 pikë | 5 topa të vjedhur | 4 kërcime |
| 4 | Nenad Delic (35:56) | 13 pikë | 6 kërcime | 2 bllokada |
| 5 | Granit Rugova (28:42) | 4 pikë | 4 asistime | 2 kërcime |
| 6 | Fisnik Rugova (22:26) | 3 pikë | 2 kërcime | 2 bllokada |
| 7 | Edmond Azemi (19:43) | 3 pikë | 1 kërcim | 1 asistim |
| 8 | Urim Zenelaj (2:37) | 0 pikë | - | - |
| 9 | Rinor Peci | - | - | - |
| 10 | Muhamedali Janjeva | - | - | - |
Beroe
| 1 | Tihomir Zhelev (39:40) | 19 pikë | 9 kërcime | 3 asistime |
| 2 | Brandis Ross (33:47) | 19 pikë | 6 kërcime | 5 asistime |
| 3 | Tencho Tenchev (29:48) | 15 pikë | 1 kërcim | 1 asistim |
| 4 | Aaron Jones (26:40) | 13 pikë | 7 kërcime | 2 bllokada |
| 5 | Stjepan Tesija (31:33) | 11 pikë | 7 kërcime | 2 topa të vjedhur |
| 6 | Omari Gudul (24:04) | 8 pikë | 6 kërcime | 1 asistim |
| 7 | Martin Radnev (19:21) | 5 pikë | 3 kërcime | 2 asistime |
| 8 | Todor Todorov (7:41) | 4 pikë | 3 kërcime | - |
| 9 | Nikolay Nikolov (12:21) | 0 pikë | 2 kërcime | - |
| 10 | Shane Gibson | - | - | - |
