Prishtina nuk ndalet

Sigal Prishtina ka vazhduar serinë e pamposhtshmërisë në Superligë të Kosovës. Skuadra prishtinase ka arritur të mposht rivalin e saj më të madh në Superligë, Pejën, me 6 pikë dallim, 73-67. 

Amerikani Tay Waller ka qenë basketbollisti më i dalluar te skudra e udhëhequr nga Ceyhun Cabadak, duke shënuar 20 pikë, 5 kërcime dhe një vjedhje topi. 

Sigal Prishtina ka udhëhequr që nga fillimi i takimit, ndërsa rezulutati kur barazohej nga Peja, nxënësit e Daniel Lutzit nuk arrinin të merrnin epërsinë. 

Më së afërmi kësaj ka qenë Gerti Shima, i cili dështoi nga dy gjuajtjet e lira për të kaluar ekipin e tij në epërsi, ku edhe topin e rrëmbyer si kërcim në sulm nuk e shfrytëzoi. 

Sidoqoftë Prishtina fitoi me lojë të sigurtë kah fundi, arriti fitoren, ku gjithashtu u dalluan edhe Dardan Berisha e K’Zell Wesson, me 14 e 11 pikë të shënuara respektivisht, derisa Kendrick Jones regjistroi 12 asistime në ndeshje, krahas 4 pikëve të shënuara. 

Te Peja, ndër më të mirët ka qenë Fred House, që angazhohej në çdo pjesë të parketit si në mbrojtje ashtu edhe në sulm. Sa i përket koshashënuesve, Vedran Morovic me 11 dhe dyshja amerikane Fred House e George Oduwufa me nga 10 ishin më të dalluar. 

Sigal Prishtina tani ka tre fitore nga tre ndeshjet e zhvilluara, derisa Peja ka regjistruar humbjen e parë në Superligë. 

Tabela aktuale.

Statistikat ekipore

		Sigal Prishtina	Peja
Çereku i parë		17	12
Çereku i dytë		22	16
Çereku i tretë		10	19
Çereku i katër		24	20
Kërcime		37	34
Asistime		21	10
Topa të vjedhur		3	7
Topa të humbur		17	11
Bllokada		5	4
Tentime për tre pikë		11/22	8/19
Tentime për dy pikë		22/56	23/64
Tentime nga gjuajtjet e lira		18/22	13/18

Statistikat individuale te Sigal Prishtina

1	Tay Waller	20 pikë	5 kërcime
2	Dardan Berisha	14 pikë	2 kërcime	1 asitim
3	K'Zell Wesson	11 pikë	5 kërcime	1 asistim
4	Aurimas Kieza	7 pikë	6 kërcime	2 asitime
5	Alban Veseli	6 pikë	2 kërcime
6	Muhamed Hasani	5 pikë	1 kërcim	1 asistim
7	Kendrick Jones	4 pikë	12 asitime	7 kërcime
8	Blerim Mazreku	4 pikë	4 kërcime	3 asistime
9	Fisnik Rugova	2 pikë	5 kërcime	1 asistim

Statistikat individuale te Peja

1	Vedran Morovic	11 pikë	1 kërcim
2	Frederick House	10 pikë	7 kërcime	3 asistime
3	George Oduwufa	10 pikë	8 kërcime	1 asistim
4	Drilon Hajrizi	9 pikë	2 kërcime
5	Mirza Ahmedbasic	8 pikë	4 kërcime	1 asistim
6	Gerti Shima	8 pikë	3 kërcime	3 bllokada
7	Samir Shaptahovic	7 pikë	5 asistime	2 kërcime
8	Ersid Ljuca	2 pikë	5 kërcime
9	Endrit Hysenagolli	2 pikë	2 kërcime