Prishtina vazhdon me Bardh Istrefin

Ekipi kryeqytetas ka publikuar edhe një basketbollist, me të cilin do të vazhdojë kontratën në stinorin që vjen.

Bardh Istrefi që pati pak ndeshje të luajtura për Prishtinën në stinorin e kaluar, do të vazhdojë me ekipin bardhekaltër edhe për një stinor.

Istrefi që është 20 vjeç dhe 202 centimetra i gjatë, ndërsa në stinorin e kaluar ka luajtur 2 ndeshje në Superligë me Prishtinën ku ka pasur mesatare prej 4 pikëve për ndeshje 0.5 asistimeve dhe 1 kërcimi për ndeshje, pritet të merr më shumë minuta dhe lojë në edicionin 2024/25 të garave.

Prishtina deri tani ka publikuar tre lojtarë të huaj si përforcime, ndërsa Istrefi është vendori i dytë që do të vazhdojë me ekipin për stinorin që vjen, pas Jon Ismajlit.