PRISHTINA
BOROZANI/ Erdis Driza
Prishtina zyrtarizon Zenelajn
27 January, 2014 @15:03
Urim Zenelaj edhe zyrtarisht është transferimi i parë i Sigal Prishtinës për mini afatin kalimtar të janarit.
Klubi bardhekaltër sot me anë të një komunikate ka njoftuar se është kompletuar transferimi i gjigantit nga Suhareka.
“Ju lajmërojmë se qendra 212 cm, Urim Zenelaj nënshkruan për KB Sigal Prishtina. Urimi do të jetë i gatshëm për të luajtur ndeshjet zyrtare shumë shpejtë. Sigal Prishtina i uron Urimit mirëseardhje në ekipin më të suksesshëm të Kosovës,” thuhet në komunikatën e klubit kryeqytetas.
Transferimi i Zenelajt më parë ishte konfirmuar edhe nga drejtori sportiv i Sigal Prishtinës, Florian Miftari.
