TREPÇA - PRIZRENI
Prizreni demolon Trepçën
1 December, 2019 @18:44
Skuadra e Prizrenit me dominim total e mposhti Trepçën me rezultat 51-103.
Që nga fillimi i ndeshjes e deri në fund, kontrolli ishte te skuadra e trajnerit Arbnor Rifati, derisa dallimi më i madh u bë në çerekun e tretë, ku skuadra e Prizrenit më mbrojtje të fortë pësoi vetëm 2 pikë!!!
Trepça me 51 pikë në total e shënoi pikët më të ulëta të stinorit.
Te Prizreni pesë lojtarë luajtën me pikë dyshifrore. Malcolm Canada ishte shumë afër shifrave triple-double. Ai luajti me 24 pikë, 14 kërcime e 7 asistime, derisa u ndihmua nga Ty Nichols me 24 pikë, Blendi Matoshi me 20 pikë e 10 kërcime, Elliott Cole me 15 pikë dhe Urim Zenelaj me 10 pikë e 19 kërcime.
Te skuadra mitrovicase asnjë lojtarë nuk luajti me pikë dyshifrore, derisa më të veçuarit ishte Agon Selmani dhe Ramadan Zekiqi me nga 8 pikë secili.
Prizreni me 8 fitore e 5 humbje dhe me 21 pikë në total, gjendet në pozitën e tretë aktualisht, derisa Trepça është në zonën e rrezikshme me 2 fitore e 10 humbje.
Në xhiron tjetër Prizreni takohet me Bashkimin, kurse Trepça përballet me Pejën.