Qëndrim Biraj: Tifozët na motivuan për fitore

Pas fitores dramatike ndaj Pejës, për Borozani.com foli Qëndrim Biraj, kapiteni i skuadrës prizrenase.

“Dihet që në këtë ndeshje dy ekipet u paraqitëm pothuajse me gjysëm ekipi dhe logjikisht nuk e kemi ditur se si do të rrjedh ndeshja. Përparësia jonë në këtë takim ishte terreni vendas dhe tifozëria jonë ‘Arpagjikët’, të cilët gjatë gjithë takimit na kanë motivuar që të shënonim fitore. Ishte një lojë mjaft e fortë, sidomos në mbrojtje dhe në fund me pak më tepër fat se Peja, ne arritëm fitore.” - ishin fjalët e kapitenit të Bashkimit, i cili takimin sonte e mbylli me 6 pikë, 2 kërcime e 3 asistime.

Duhet përmendur që kjo ndeshje ishte ndeshje e mbetur nga xhiro e shtatë e Superligës dhe për këtë arsye të dyja skuadrat ishin të hendikepuara, pasi që sipas rregullave, në lojë mund të aktivizoheshin vetëm lojtarët që ishin pjesë e klubeve përkatëse deri në javën kur u luajt xhiro e shtatë.