Rifati: Nëse dëshirojnë kualifikim në evropian apo botëror, adresën e kanë

Trajneri i Ponte Prizrenit, Arbnor Rifati, në deklartën e tij pas fitores ndaj Bashkimit dje, ka thënë se ekipi i tij përkundër mungesave ka qenë më i mirë në përballjen derbi të qytetit të vjetër.

“Ka qenë një derbi pa ngarkesë. Ne veçse u shpallëm kampion të stinorit të rregullt, shpresojmë të njëjtën edhe pas PlayOffit. Kemi pasur dy mungesa dhe e kam cilësuar Bashkimin favorit,” ka thënë Rifati pas fitores së djeshme.

“Ka qenë një lojë korrekte. Edhe Bashkimin e falenderoj për lojë korrekte dhe sifdën. I kam folur disa herë lojtarëve për të përmirësuar mbrojtjen, pasi që 85-pikë thuajse çdoherë i japim. Tash presim Trepçën në xhiron e fundit, para pushimit. Kampionati i stinorit të rregullt ka qenë briliant, përfshi të gjitha skuadrat nga ne deri te i fundit në renditje,” ka thënë Rifati.

Në fund ai ka pasur edhe një mesazh për Federatën e Basktbollit të Kosovës (FBK).

“Unë jam krenar me atë çfarë kam arritur me këtë skuadër. Tashmë, kur kemi siguruar vendin e parë dy xhiro para fundit të stinorit të rregullt, i bëj thirrje FBK-së që nëse dëshirojnë kualifikimin e Kosovës në evropian a botëror, dy lojë më heret, atëherë adresën e kanë — këtu te unë, gjë që do ta bëj padyshim,” ka thënë në fund trajneri i Pontes.

Ponte Prizreni për herë të parë në histori të klubit ka arritur që të kryejë kampionatin në vend të parë. Bardhezinjtë tashmë prej një ekipi që shpejt u ngrit në Superligë nën drejtimin e Rifatit, janë konsoliduar në një ekip stabil, ndërsa kjo arritje e deritashme e tyre është historike për klubin.