Riinvest Prishtina fiton Kupën e Kosovës

Basketbollistët e rinj të Riinvest Prishtinës, në grupmoshat U12, kanë triumfuar në finale të Kupës së Kosovës që sot u zhvillua në “Jeton Tërstena - Tota” të Vushtrrisë.

Të drejtuar nga trajneri Dritëro Sefaja, djelmoshat e talentuar të ekipit nga kryeqyteti kanë fituar Kupën e Kosovës.

Riinvest Prishtina e ka fituar Kupën e Kosovës për grupmoshën U-12, pasi në finale e ka mposhtur Vushtrria Basketin me rezultat 25:22 në ndeshjen e luajtur të dielën në palestrën “Jeton Tërstena-Tota” në Vushtrri.

Përndryshe, Riinvest Prishtina ka fituar Kupën e Kosovës edhe në kategorinë U16 dhe atë U18 ditë në fundjavën e kaluar.

MVP i finales së Kupës së Kosovës për grupmoshën U-12 është shpallur Jon Ismajli, basketbollist i Riinvest Prishtina, ndërsa trofeun ia ka ndarë u.d. sekretarja e përgjithshme e FBK-së, Elvira Dushku.