Rron Rogova për fitore, gjakovarët rimarrin kreun

Pas humbjes nga Trepça ‘89 xhiron e shkuar, Vëllaznimi fitoreve në Grupin A të Ligës së Parë i është rikthyer sot në takimin ndaj Mitrovicës.

Mitrovicën gjakovarët e mposhtën me rezultat minimal 1-0, falë një goli të shënuar në fillim të ndeshjes.

Rron Rogova në minutën e 3’ e gjeti rrjetën, e ky gol i mjaftoi gjakovarëve për ta fituar këtë duel.

TABELAT E GRUPEVE

Sot Mitrovicën për herë të parë e drejtoi Nazmi Rama, i emëruar pak ditë më parë. Rama aventurën e tij te skuadra në fjalë e nisi me humbje.

Të paktën deri nesër, Vëllaznimi do të jetë në krye të Grupit A, me Drenicën që ende nuk e ka zhvilluar ndeshjen e saj këtë xhiro. Njëkohësisht, për momentin Vëllaznimi ka sulmin më të mirë të Grupit A me plot 19 gola të shënuara.

Xhiron që vjen, Vëllaznimi i shkon Drenicës në duelin e dy kryesuesve të Grupit A, kurse Mitrovica e pret Istogun.