Superkupa e Prishtinës

Kampionja e Kosovës, Peja dhe fituesja e Kupës së Kosovës, Sigal Prishtina, po përballen me njëra tjetrën në palestrën ‘1 Tetori’ të Prishtinës në kuadër të Salamander Superkupës së Kosovës.

Çereku i parë

Sigal Prishtina u paraqit me pesëshen Kendrick Jones, Tay Waller, Aurimas Kieza, Alban Veseli dhe Blerim Mazreku, derisa Peja u paraqit me pesëshen Samir Shaptahovic, Fred House, Drilon Hajrizi, Gerti Shima dhe Ersid Ljuca.

Pikët e para të ndeshjes u shënuan nga Hajrizi, i cili shënoi nga afërsi, kurse menjëherë prishtinasit u kundërpërgjigjën me treshen e Jones-it.

Më pas rezultati ndryshoi herë në të mirë të njërës, e herë tjetrës skuadër, për të përfunduar në fund me rezultat 16-15 në të mirë të Pejës.

Çereku i dytë

Edhe çereku i dytë vazhdoi me lojë të barabartë, ndërsa për herë të parë në ndeshje rezultati u barazua me trepikëshin e Mirza Ahmetbasic (19-19). Deri në fund të këtij çereku rezultati u barazua edhe njëherë (27-27), derisa pejanët edhe dhjetëminutëshin e dytë arritën ta përmbyllin në epërsi pranë rezultatit 42-37.

Koshashënuesi më i mirë pas 20 minutave lojë ishte lituanezi i Sigal Prishtinës, Aurimas Kieza, me 9 pikë, sikurse që shënoi edhe Drilon Hajrizi për Pejën.

Çereku i tretë

Në çerekun e tretë Prishtina arriti ta rikthej rezultatin në të mirë të saj falë mbrojtjes së mirë duke mos i lënë pejanët të shënojnë më shumë se 10 pikë. Ky çerek përfundoi me epërsinë 5 pikëshe të prishtinasve, 52-57.

Çereku i katërt

Ritmin që e arriti Prishtina në çerekun e tretë, vazhdoi ta mbaj edhe në të katërtin, ku trepikëshi i Tay Waller-it dhe dy pikët e Fisnik Rugovës nga vija e gjuajtjeve të lirë, krijuan epërsi prej 10 pikëve për prishtinasit, 52-62.

Rreth 5 minuta pa mbaruar ndeshja Peja u afrua në katër pikë (61-65) me shënimin e Ahmetbasic-it, mirëpo gabimet e thjeshta në lojë të pejanëve, bënë që Prishtina përsëri të shkëputet në rezultat falë pikëve të Jones-it dhe Berishës, duke sinjalizuar një finish jo shumë dramatike të ndeshjes së Superkupës.

Në fund Prishtina triumfoi me rezultat 64-74 dhe kështu u bë fituese e Salamander Superkupës së Kosovës.

Rezultatet sipas çerekëve

Peja

Sigal Prishtina

16-15; 26-22; 10-20; 12-17

PEJA (Statistikat individuale)

1	Drilon Hajrizi	11 pikë	4 kërcime
2	Samir Shaptahovic	10 pikë	2 asistime	1 kërcim
3	George Odufuwa	9 pikë	6 kërcime	1 asistim
4	Mirza Ahmetbasic	9 pikë	5 kërcime	1 asistim
5	Gerti Shima	9 pikë	2 kërcime	1 asistim
6	Fred House	7 pikë	4 kërcime	4 asistime
7	Rron Grapci	5 pikë	1 kërcim
8	Ersid Ljuca	4 pikë

SIGAL PRISHTINA (Statistikat individuale)

1	Tay Waller	16 pikë	4 kërcime	1 asistim
2	Blerim Mazreku	11 pikë	6 kërcime	2 asistime
3	Aurimas Kieza	11 pikë	4 kërcime
4	Alban Veseli	11 pikë	1 kërcim
5	Kendrick Jones	8 pikë	5 kërcime	3 asistime
6	Dardan Berisha	7 pikë	1 kërcim	1 asistim
7	Fisnik Rugova	4 pikë	2 kërcime
8	K'Zell Wesson	2 pikë	6 kërcime	1 asistim
9	Edmond Azemi	2 pikë	1 kërcim
10	Muhamed Hasani	2 pikë	1 kërcim