EUROBASKET 2013

eurobasket
Franca shuan ëndrrën sllovene
18 September, 2013 @23:20
Ëndrra e Sllovenisë për ta ngritur trofeun në shtëpinë e tyre morri fund në çerekfinale. Ata u mposhtën nga françezët, me dhjetë pikë epërsi 72-62. Borozani.com
Pjesa e parë e ndeshjes, ishte e barabartë, kurse në fillim të pjesës së dytë, Franca arriti një seri, ku e ngriti epërsinë në 10 pikë. Sllovenia, sulmeve të françezëve, iu përgjegj me tresha.
Kurse, gabimet e thjeshta të skuadrës së Bozidar Maljkovicit, në çerekun e fundit, kushtuan me humbje.
Super ylli i San Antonios, Tony Parker, ishte i pandalshëm me 27 pikë, ku u ndihmua edhe nga një tjetër lojtar prej NBA-së, Nicolas Batum (14p).
Tek Sllovenia, Goran Dragic luajti me 18 pikë, por pikërisht ky lojtar, me gabime të thjeshta në fund, ia dhuroi ndeshjen “gjelave”.
Franca në gjysmëfinale do të përballet me Spanjën, ndërsa Sllovenia me Serbinë do të luftojnë për vendin e pestë.