RAHOVECI - YLLI
Sekonda e fundit vendos derbin
28 March, 2019 @20:59
Në derbin e xhiros XXIV në Superligës së Kosovës në basketboll, Ylli arriti ta mposhtë Rahovecin me rezultat të ngushtë 61-62 në palestrën “Mizahir Isma”.
Minutat e fundit të ndeshjes, kaluan në dramë të vërtetë, ku epërsia kalonte herë te Ylli, herë te Rahoveci.
Rahoveci e kishte rastin për ta fituar ndeshjen në sekondat e fundit, por DeShon Minnis nuk arriti të shënojë dhe kështu ndeshja përfundoi.
Te skuadra e Arben Krasniqit, vetëm Bambale Osby dhe Alban Veseli shënuan pikë dyshifrore. Osby luajti me 17 pikë, derisa Veseli me 11 të tjera.
Te Rahoveci shkëlqeu Frederick Richardson me 23 pikë e 15 asistime, derisa DeShon Minnis për një asistim nuk arriti shifrat magjike triple-double (15 pikë, 11 kërcime e 9 asistime).
Ylli me këtë fitore e përforcoi pozitën e dytë që dërgon drejt në gjysmëfinale të Play Offit, derisa Rahoveci gjendet në pozitën e tretë me 15 fitore e 9 humbje.
