Shaptahovic më i miri i dhjetorit

Samir Shaptahovic është basketbollisti më i mirë i muajit dhjetor.

Kështu ka njoftuar sot Federata e Basketbollit të Kosovës nëpërmjet faqes zyrtare të saj.

Shaptahovic do të jetë basketbollisti i parë në këtë edicion që do ta fitojë çmimin e më të mirit të muajit, pasi që ky çmim ka filluar të shpërndahet që nga muaji dhjetor pas marrëveshjes së FBK-së me sponsorin e saj, ETC.

Basketbollisti i muajit është zgjedhur me anë të votave të gazetarëve, ndërsa Shaptahovic ka qenë bindshëm në vendin e parë falë performancave të shkëlqyer të tij gjatë këtij muaji.

Shaptahovic çmimin do ta merr në ndeshjen e xhiros së parë të stinorit pranveror të skuadrës së tij, përkatësisht në ndeshjen Bashkimi - Peja.

Peja gjatë muajit dhjetor ka qenë skuadra e vetme në ETC Superligë që nuk ka pësuar asnjë humbje.