Griffin më i miri në Perëndim

Ylli i Los Angeles Clippersit, Blake Griffin, është zgjedhur lojtari më i mirë i javës, në Konferencën Perëndimore në NBA.

Clippers së bashku me Griffin, shënuan 4 fitore në javën që shkoi. Kundër San Antonios, Blake, shënoi 27 pikë, 9 kërcime e 2 asistime, në ndeshjen kundër New Orleans Pelicans, luajti me 21 pikë, 10 kërcime e 5 asistime, në ndeshjen e tretë të javës, ai luajti kundër Denverit me 24 pikë, 16 kërcime, 4 asistime, 1 bllokadë e 1 top të vjedhur.

Në ndeshjen e fundit të javës, qendra gjigante shkëlqeu kundër Minnesotës me 32 pikë, 10 kërcime, 4 topa të vjedhura dhe me 2 asistime, ku e meritoi plotësësht të jetë lojtari i javës në Perëndim.