BALKAN LEAGUE
Shpjegohet rasti zyrtarisht
31 October, 2012 @15:32
Faqja zyrtare e ligës ballkanike ka njoftuar sot për udhëtimin e drejtorit sportiv të saj Shay Shtriks për në Prishtinë.
Aty theksohet se kjo vizitë është bërë pas vendimit reciprok të tij me drejtorin ekzekutiv të kësaj lige, Assen Christov, pasi që iu prezentua FIBA-së dhe nuk morri kurrëfarë kundërshtimi nga këta të fundit.
Idea është që Peja ose Sigal Prishtina të luajnë në ligën ballkanike dhe pas diskutimeve të bëra të Shtriksit me krerët e basketbollit kosovar si dhe klubet në fjalë, është rekomanduar që Sigal Prishtina të merr pjesë në këtë ligë, që do të merret parasysh nga menaxhmenti i BIBL-së, pas finalizimit të marrëveshjes.
Pas marrëveshjes, duhet të caktohen edhe kushtet, kalendari i garave, rregulloret, situata financiare, diskutimi me anëtarët e BIBL dhe ekipet tjera.
E në fund thuhet që Shtriks beson se në ditët në vijim, këto pika do të kompletohen.
