Sigal Prishtina përforcohet edhe me Diggs

Skuadra e udhëhequr nga Marin Dokuzovski, Sigal Prishtina, ka bërë sot dy përforcime për ndeshjen vendimtare të ligës ballkanike ndaj Levski Sofias. 

Prishtinasit kanë njoftuar se kanë arritur marrëveshje me playmakerin amerikan të kampionit të Qipros, Jamar Diggs. 

Diggs, i lindur në vitin 1988 ka përvojë nga dis liga si ajo e Gjermanisë, Qipros dhe e Letonisë, derisa së fundi ka qenë pjesë e Apoelit, gjithashtu në Qipro. 

Organizatori 187 centimetra i gjatë është përforcimi i dytë i Sigal Prishtinës sot para ndeshjes vendimtare të skuadrës bardhekaltër ndaj Levskit të Sofias që luhet të mërkurën në Pallatin e Rinisë dhe të Sporteve. 

Sigal Prishtina në mesditë ka njoftuar edhe përforcimin tjetër, qendrën letoneze, Andrejs Selakovs.