Sigkosi e lë Bashkimin

Kompania e sigurimeve, Sigkos, nuk do të jetë më sponzor i klubit nga Prizreni dhe njëkohësisht as ekipi prizrenas nuk do të thirret më me parashtesën Sigkos.

Ndërprerja e bashkëpunimit është bërë nga ana e kompanisë së Sigkosit, e cila nuk ka qenë e interesuar ta sponzorojë më klubin.

Sipas burimeve të Borozani.com, mësohet se Bashkimi tani është në negociata me dy kompani të tjera për sponzorizim, mirëpo emrat e tyre ende nuk janë bërë publike.

Ndryshe nga shumica e skuadrave të BKT Superligës, portokallët për shkak të mosmarrëveshes me sponzorin kryesor deri më tani nuk kanë bërë asnjë përforcim.