LIGA E PARË
Studenti Official
Studenti në Superligë
26 April, 2013 @1:06
Se basketbolli kosovar po ecë me hapa më të mira sesa çdo sport tjetër, përveç pranimit të Sigal Prishtinës në Ligën Ballkanike, këtë e vërtetojnë edhe ekipet e reja që po duken serioze.
Kështu, klubi pejan, Studenti, i krijuar në fillim të këtij stinori 2012/13 - ka arritur që të sigurojë vendin e parë në Ligën e Parë dhe të hyjë në BKT Superligë stinorin që po vjen, 2013/14.
Pejanët me fitore ndaj Yllit sot në Suharekë, 56-84, kanë përfunduar stinorin dhe kanë festuar me Kupën e Ligës së Parë, hyrjen në BKT Superligë.
Pas befasisë që bëri RTV 21 këtë stinor në Superligë, pasi edhe ajo kishte hyrë për herë të parë në elitën e basketbollit kosovar, prej vitit tjetër BKT Superligës po i shtohet edhe një ekip serioz. Urime Studentit.
REZULTATI:
| Ylli - Studenti | 56-84 |
