NË "KARAGAÇ"
Superderbi të dielën
25 March, 2016 @10:40
Peja pret Sigal Prishtinën të dielën në “Karagaç” në superderbin e fundit të stinorit të rregullt të Superligës.
Ndeshja zhvillohet në kuadër të xhiros së XXV të Superligës dhe Peja në Superligë ka avantazh 2-1 ndaj Sigal Prishtinës.
Mirëpo, Peja ka përparësi në klasifikim edhe në rast të humbjes nga Sigal Prishtina, për shkak se bardhekaltërit kanë 3 humbje këtë stinor - dhe nëse nuk mposhtet më Peja në duelet tjera të stinorit do të ketë epërsinë e terrenit vendas ndaj skuadrave tjera rivale në Play-Off.
TABELA AKTUALE E SUPERLIGËS
Sa i përket takimit Peja ka lojtarë të lënduar dhe të dënuar në ekip, ndërsa Sigal Prishtina është në formë tepër të mirë dhe nuk është mposhtur fare në vitin 2016.
Peja ka mbetur në garë vetëm për titullin kampion aktualisht, ndërsa Sigal Prishtina pas triumfit në Kupë të Kosovës tashmë lufton edhe për trofeun e BIBL dhe titullin kampion.
Drejtësia në këtë ndeshje do të ndahet nga treshja: Faton Kurshumlija, Daut Mehmeti dhe Xhelal Mumini.
