TEAM OF THE WEEK
TOP 5-shja e javës në Superligë (12)
25 November, 2019 @10:52
TopSporti.com ka zgjedhur më të mirët e xhiros së 12 në Superligën e Kosovës në basketboll.
Ekipin e javës e përbëjnë: Elliott Cole (Prizreni), Meriton Ismaili (Prishtina), Alante Fenner (Ylli), Javis Howard (Rahoveci) dhe Fahro Alihodzic (Prishtina).
Fundori amerikan i Prizreni, Elliott Cole, ishte më i miri në fitoren e skuadrës kundër Feronikelit. Cole luajti me 25 pikë, 7 asistime, derisa ishte i saktë nga vija e treshit 62% (8 tentime, 5 shënime).
Në këtë xhiro është luajtur derbi i vjetër në mes të Prishtinës dhe Pejës, që përfundoi me fitoren e kampiones së Kosovës.
Më të dalluarit te Prishtina ishin Meriton Ismaili dhe Fahro Alihodzic. Ismaili ishte koshashënuesi më i mirë me 21 pikë dhe luajti me përqindje të lartë të shënimeve, kurse Alihodzic luajti me double-double prej 13 pikëve e 12 kërcimeve. Për Fahro Alihodzicin kjo është hera e gjashtë që hyn në TOP 5-shen e javës.
Ylli e mposhti Trepçën me rezultat 77-88. Më i dalluari te skuadra nga Suhareka ishte Alante Fenner. Ai luajti me 21 pikë, 6 kërcime e 5 asistime.
Rahoveci e kaloi lehtë pengesën e Lipjanit. Javis Howard ishte njëri prej më të veçuarve te vreshtarët, duke luajtur me double-double prej 18 pikëve e 12 kërcime.