PAS HUMBJES
Peja paralajmëron masa për rikthim te fitoret
24 November, 2019 @19:05
Humbja më e thellë e stinorit e Pejës ndaj Prishtinës, sonte, ka bërë që kryesia e ekipit të paralajmërojë reagim të menjëhershëm.
“Dëshpërimi nuk mungon pas një performance të tillë në fushë, por ne duam t’i falenderojmë të gjithë ata që udhëtuan për të ndjekur ekipin e zemrës në këtë ndeshje dhe juve që ndoqët lojën në televizor. Beteja është humbur, por lufta ka rrugë të gjatë dhe kryesia është gati t’i ndërrmarë masat e duhura që klubi t’i kthehet fitoreve në ndeshjet e ardhshme,” ka shkruar njoftimi i Pejës, publikuar menjëherë me të përfunduar ndeshja.
Prishtina sonte ia shkaktoi Pejës humbjen më të thellë të stinorit, duke i mposhtur verdhezinjtë me 44 pikë dallim, 104-60.