Trepça 2-0 ndaj Bashkimit

Trepça ka dalë fituese në Prizren në derbin e xhiros së Superligës së Kosovës duke e mposhtur Bashkimin me lojë më të mirë në pjesë të dytë të ndeshjes. 

Kjo ka qenë fitorja e dytë e mitrovicasve ndaj Bashkimit në kampionat dhe një hap i madh drejt sigurimit të vendit të tretë, nëse nuk ndodhë ndonjë befasi e madhe në pranverë. 

Prizrenasit ia nisën mirë takimit duke krijuar epërsi në fund të çerekut të parë, por Trepça arriti të del në avantazh para pushimit dhjetëminutësh. 

E në pjesën e dytë Bashkimi nuk pat fuqi të rikthehet në lojë, përkundër se ata ishin afër që të arrinin këtë në disa momente kur amerikani Justin Cecil shënoi tre trepikëshe radhazi. 

Mirëpo, mitrovicasit u përgjigjën me amerikanin Joshua Brown, i cili gjithashtu nuk dështonte nga trepikëshi në ato momente dhe mbajti Trepçën në lojë duke ua sjellë fitoren e shtatë në kampionat. 

Te Bashkimi më të dalluarit ishin Denis Vrsaljko me 18 pikë dhe amerikani Justin Cecil me 15 sosh, i cili gjithashtu bëri edhe shumë gabime të thjeshta në lojë. Derisa Valentin Spaqi ishte shumë frytëdhënës duke mbajtur në lojë ekipin e tij. 

Sidoqoftë, 29 pikët e Brownit dhe 20 pikët e Robert Goffit kanë qenë esenciale për fitoren mitrovicase, derisa dyshja Imer Tahiri dhe Valdrin Haxhiu kontribuonin në mbrojtje. 

Bashkimi tash ka rënë në pozitën e pestë të tabelës, derisa Trepça është përforcuar në vendin e tretë. 

Rezultatet dhe tabela aktuale. 

Statistikat ekipore

	Bashkimi	Trepça
Çereku i parë	18	14
Çereku i dytë	12	24
Çereku i tretë	20	22
Çereku i katërt	21	25
Kërcime	32	26
Asistime	17	21
Bllokada	2	2
Tentime për tre pikë	8/22	11/29
Tentime për dy pikë	16/34	18/39
Tentime nga gjuajtjet e lira	15/22	16/23

Statistikat individuale te Bashkimi

1	Denis Vrsaljko	18 pikë	3 kërcime	1 asistim
2	Justin Cecil	15 pikë	7 kërcim	2 asistime
3	Valentin Spaqi	9 pikë	5 asistime	4 kërcime
4	Adnan Mustafa	8 pikë	2 kërcime
5	Josip Blajic	6 pikë	4 kërcime	1 asistim
6	Dino Erceg	6 pikë	1 kërcim
7	Qëndrim Biraj	4 pikë	6 kërcime	4 asistime
8	Bruno Daliu	4 pikë	4 asistime	4 kërcime
9	Altin Morina	1 pikë	1 kërcim

Statistikat individuale te Trepça

1	Joshua Brown	29 pikë	3 asistime	1 kërcim
2	Robert Goff	20 pikë	4 kërcime	3 asistime
3	Jan Orfila	15 pikë	13 kërcime	4 asistime
4	Imer Tahiri	12 pikë	3 kërcime	1 asistim
5	Valdrin Haxhiu	8 pikë	5 asistime	1 kërcim
6	Arian Tahiri	1 pikë	5 asistime	2 kërcime