PEJA S'ARRIN TA NDALË TREPÇËN
Trepça çon serinë në 10 fitore radhazi, mposhtë Pejën
13 January, 2024 @20:54
Peja nuk ka arritur t’ia ndalë serinë e fitoreve Trepçës në derbin e xhiros në Superligë, ndërsa është mposhtur në “Karagaç” me 16 pikë epërsi, 69-85.
Pjesa e dytë i ka takuar plotësisht mitrovicasve, që ishin më të mirë aty, ndërsa Kevin Bracy-Davis me 20 pikë e Darnell Edge me 19 të tjera kanë qenë më efikasit në fitore.
Drilon Hajrizi u dallua me 12 pikë, 4 asistime e 6 kërcime derisa me 10 Dardan Kapiti dha 10 pikë në fitore.
Te Peja më të dalluarit ishin dyshja Justin Davis dhe Jay Jay Chandler. I pari dha 22 pikë e 8 kërcime, ndërsa i dyti bëri 13 pikë.
Me këtë fitore Trepça ngrit epërsinë në krye të renditjes, duke e bërë bilancin 15-2 derisa Peja tash mbetet pas me 12-5.
