DUELI I PARË I GRUPIT
Unicaja nis me fitore
29 December, 2015 @23:02
Ekipi i Unicaja Malagas ka nisur me fitore fazën e dytë të Euroleague, duke e mposhtur Darussafakan e Stambollit në përballjen e parë të Grupit E të Euroleague.
Kthimi në ndeshje u bë në çerekun e fundit, kur ekipi spanjoll nuk lejoi ekipin turk që të shënojë pikë dyshifrore përgjatë gjithë çerekut.
Darussafaka në lojën që shkonte tërësisht barabartë kishte epërsi të lehtë si në fund të çerekut të parë ashtu edhe në atë të pjesës së parë.
Te Unicaja më efikas ka qenë Edwin Jackson me 20 pikë të shënuara, ndërsa pikë dyshifrore shënuan edhe M. Kuzminskas 15 dhe Richard Hendrix 13.
Te ekipi i Darussafakës që drejtohet nga trajneri turk me origjinë shqiptare, Oktay Mahmuti, basketbollist i vetëm që shënoi pikë dyshifrore ka qenë Semih Erden me 15 pikë.
