Urim Zenelaj te KB Prizreni

Përmes një postimi në faqen e Facebookut, klubi i Prizrenit ka njoftuar opinionin me përforcimin më të ri.

Bëhet fjalë për basketbollistin Urim Zenelaj, i cili sezonin që vjen do të jetë pjesë e klubit basketbollistik Prizreni.

Zenelaj, një emër i njohur në basketbollin kosovar, pritet të jetë një armë shtesë e klubit në fjalë në sezonin e ri, ndërsa në njoftimin e postuar thuhet që ky është përforcimi i fundit i Prizrenit sa i përket këtij afati kalimtar.

Sezonin që e lamë pas, Urim Zenelaj u shpall kampion me skuadrën e Bashkimit, skuadër në të cilën ai në Superligë lujti me mesatare prej 8.64 pikëve, 5.54 kërcimeve, 1 bllokade dhe 0.96 asistimeve për ndeshje.