BASHKIMI F - PRISHTINA F
Vashat e Bashkimit, mposhtin lideret prishtinase
18 February, 2018 @20:23
Vajzat e Probet Prishtinës kanë dalë të mposhtura nga Sezai Surroi sonte. Prizrenaset kanë mposhtur mysafiret e tyre, duke ua shkaktuar humbjen e dytë të stinorit (75-63) për të bërë luftën për PlayOff dhe renditjen tabelare edhe më interesante që në fillim të stinorit pranveror të garës.
Amerikanet e ardhura në afatin dimëror te Bashkimi, kanë bërë dallimin në ndeshje, ndërsa 22 pikë i shënoi Khadija Brown e 17 të tjera Nicole Williams.
TABELA AKTUALE E LIGËS SË FEMRAVE
Gresa Gashi nga forcat vendore të Bashkimit ka shtuar 20 pikë, 8 asistime e 2 kërcieme në fitore, ndërsa pikë dyshifrore shënoi edhe Aulona Muhadri, që përfundoi takimin me double-double, 10 pikë, 13 kërcime.
Te Probet Prishtina më efikasja ka qenë Ermelinda Shatri me 20 pikë. E përveç saj vetëm edhe Irma Konjusha me përvojë ka shënuar 15 të tjera.
Derisa femrat e Bashkimit kanë përmirësuar bilancin në 8-3 pas 11 xhirove, prishtinaset tash kanë bilanc 9-2.
