SHQIP NË BOTË
16 minuta për Dardanin, Nymburku në finale
18 February, 2018 @11:54
Në takimin e luajtur ndaj Svitavyt në kuadër të gjysmëfinales së Kupës së Çekisë, skuadra e Nymburkut shënoi fitore të lehtë 111-59.
Dardan Berisha në këtë përballje u paraqit për gjithsej 16 minuta, ndër të cilat shënoi 9 pikë, si dhe shtoi 2 kërcime e 2 asistime.
Dardani ishte i saktë 2 herë nga 4 tentimet e tij për 3 pikë, 1 herë nga 4 tentimi e tij për 2 pikë, ndërsa e shënoi edhe një gjuajtje të lirë.
Kjo fitore e dërgon Nymburkun në finale të Kupës së Çekisë, ku do të takohet me skuadrën e Pardubices sot me fillim nga ora 17:30 dhe me shumë gjasë Dardani do ta fitojë medaljen e tij të parë me skuadrën çeke.
