GAME 2: BASHKIMI (F) - PENZA (F)
BOROZANI/ Arian Paçarizi
Një fitore larg titullit
28 April, 2018 @21:12
Vashave të Bashkimit i duhet vetëm edhe një fitore për ta përfunduar stinorin si kampione.
Në ndeshjen e dytë të finales, vashat e Bashkimit e mposhtën Penzën me rezultat 76-40 dhe kaluan 2-0 në epërsi në seri.
Pjesa e parë e ndeshjes ishte e barabartë, por në pjesën e dytë të ndeshjes, sidomos në çerekun e tretë, prizrenaset e përfunduan 10 minutëshin 30-8 dhe epërsia e krijuar e solli fitoren në fund.
Amerikanja Khadija Brown, përsëri ishte më e mira ku luajti me 24 pikë, 7 kërcime e 4 asistime, derisa u ndihmua edhe nga bashkëkombasja e saj Anastasia Williams me 21 pikë të tjera. Kjo e fundit i rrëmbeu 22 kërcime, gjë që nuk rastiset shpesh në ligën e femrave.
Te Penza, Filloreta Krasniqi shënoi 26 pikë. Filloreta shënoi më shumë se gjysmën e pikëve të skuadrës dhe ishte e vetmja me pikë dyshifrore te skuadra pejane.
Pas dy fitoreve, Bashkimit i duhet vetëm edhe një fitore për t’u shpallur kampion.
