Për të katërtën herë me radhë në Final Four

Me lojë të mirë në pjesë të parë, kampioni aktual i Europës, Fenerbahçe, ka siguruar biletën për në Final Four të Euroligës sonte, duke e mposhtur për herë të tretë në seri Baskonian spanjolle.

Pjesa e dytë i takoi vendasve, por pamjaftueshëm për të përmbysur epërsinë e pjesës së parë (32-48) dhe kështu Fenerbahçeja me përfundimtaren 83-92 arriti Final Fourin e katërt me radhë në Euroligë.

SKEMA E PLAYOFFIT

Marko Guduric (22 pikë) dhe Nicolo Melli (21) shënuan gati gjysmën e pikëve të ekipit të Zeljko Obradovicit për të kualifikuar ekipin në katërshen më të mirë të garës.

Në anën tjetër, te Baskonia gjashtë lojtarë shënuan pikë dyshifrore, ku Vincent Poirier ishte më efikasi me 14, e Rodrigue Beaubois me 13 - që nuk mjaftuan për më tepër.

Pas Zalgirisit, sonte Fenerbahçeja u konfirmuar si klubi i dytë që siguroi biletën për në Arena të Beogradit ku organizohet Final Fouri.