SEMIFINALS GAME 1: BAS - RAH
BOROZANI / A.P
Bashkimi mposht Rahovecin, krijon epërsi
26 April, 2018 @21:08
Në ndeshjen e parë gjysmëfinale ndaj Rahovecit, skuadra e Bashkimit ka shënuar fitore në shtëpi, për të krijuar epërsi 1-0 brenda serisë.
Prizrenasit ishin më të mirë përgjatë gjithë duelit, ndërsa rezultati përfundimtar i ndeshjes ishte 105-79.
Më të dalluarit në këtë fitore të vendasve ishin Eric Stutz me 24 pikë, 6 kërcime e 1 asistim dhe Mikaile Tmusic me 21 pikë, 10 kërcime e 7 asistime, ndërsa te ‘vreshtarët’ sonte u veçuan Mark Williams dhe Junius Powrell me nga 17 pikë.
Sipas rregullave, në finale kalon skuadra që e para shënon 3 fitore në seri, ndërsa ndeshjet luhen në sistemin 2-2-1, që do të thotë që edhe ndeshja e dytë pas 3 ditëve do të luhet në Prizren.
