LeBron Jamesi fenomenal, sjell fitoren Cavsit

Kishin mbetur edhe 26 sekonda lojë, e rezultati në ndeshjen Cleveland-Indiana ishte i barabartë. Topi ishte te super ylli i Clevelandit, LeBron James, por Jamesi e humbi topin.

Indiana këtë gabim vendosi ta shftyrëzojë me Victor Oladipon, i cili depërtoi për të shënuar, por gabim e bërë para disa sekondash, Jamesi e përmirësoi duke ia bllokuar shutin e Oladipos 3 sekonda para përfundimit të ndeshjes.

Pas një time-outi të kërkuar nga skuadra e Clevelandit, LeBron James doli në skenë përsëri duke shënuar nga vija e treshit dhe kështu përfundoi ndeshja me rezultat 98-95 në favor të nënkampionit.

LeBron Jamesi ishte i pakapshëm në këtë ndeshje, i cili luajti me 44 pikë, 10 kërcime e 8 asistime.

Te Indiana, Domantas Sabonis, u dallua me 22 pikë.

SKEMA E PLAY OFFIT

Cavsi me këtë fitore kaloi 3-2 në epërsi në seri dhe i duhet vetëm edhe një fitore për t’u kualifikuar në gjysmëfinale të Konferencës Lindore. Ndeshja e gjashtë e serisë do të luhet më 27 prill në palestrën e Indianas.